Čoma

"Muamo, suango sugie sinun tukat?” suurembi kyzyy. Istun lattiel da poigu rubieu sugimah. ”Nygöi sinä olet ylen čoma”, häi sanou, konzu loppou ruavon. 

Leksiekku 

čoma = kaunis
loppie, häi loppou = lopettaa
ruado = homma, puuha, työskentely

Kilbu

Konzu pidäs sellittiä yösovat piäle, lapset ruvetah bauhumah. Suurembi panou yöštanit piäh. Pienembi juoksou ymbäri kuhn’ua.

”Kudai teis panou yösovan enzimäzikse piäle suau pestä hambahat enzimäzikse”, sanon.

Suurembi panou terväzeh štanit jalgah. ”Muamo, tahton yösovan”, pienembi sanou da tulou yskäh.

Leksiekku

sellittiä = pukea
bauhuo = riehua
štanit = housut
terväzeh = heti
ysky = syli

Lypsäi

”Minä menen lypsämäh lehmän”, suurembi sanou. Pienembi ei ole vie havačunnuh.

Poigu menöy kuhn’an čuppuh da vedäy lehmyilmumiäčyn nuoras alahpäi. Kodvazen peräs häi piästäy lehmäzen järilleh lendelemäh.

”Muamo, minä lypsin sinule maiduo koufeih!” häi sanou.

Leksiekku

havaččuo = herätä

kuhn’u = keittiö

čuppu = nurkka

ilmumiäččy = ilmapallo

järilleh = takaisin

Illakse kodih

Painan avtobusan azetundunappii. Kodidorogan ristavukses vuottau tuttavu mašin, da minul ei pie kävellä jallai kodih. Sanon šouferile passibot, da avtobussu jatkau matkua pohjazeh.

Lapsil ollah piäl vaigu yösovat, kumisuappuat da šuapkazet. ”Muamo, myö tulimmo sinuu vastah!” hyö tervehtitäh, konzu avuan mašinan veriän.

Leksiekku 
avtobussu = linja-auto
dorogu = tie
šouferi = kuljettaja
yösoba = yöpuku
šuapkaine = pipo

Tule selgiemäh!

”Tule selgiemäh”, sanon pienembäle. Häi vai seizou keskel kuhn’an latettu, ei rua nimidä. ”Kus sinun korvat ollah?” kyzyn. 
”Täs”, häi panou käit korvile. 
”Ga midäbo minä vastevai sanoin sinule?” kyzyn. 
”Tule selgiemäh”, häi toistau da muhizou, ga ei rua nimidä.

Leksiekku

sellitä = pukeutua

kuhn’u = keittiö

muhista = hymyillä

Taido-ozuttelu

Tulostan lapsile traktoroin kuvii internetas, hyö tahtotah värittiä. Terväzeh hyö ollah väritetty kai kuvat.

Suurembi pakiččou teippii. ”Velli, luajikkuammo taido-ozuttelu!” Hyö ruvetah kiinnittämäh väritettylöi kuvii koin seinil.

”Hyvät naizet da herrat! Taido-ozuttelu on avattu!” suurembi ilmoittau. ”Täs kuvas on počinpoigu da traktoru. Da täs on traktoru. Tulgua terveh meijän taido-ozutteluh!”

   

Leksiekku 
taido-ozuttelu = taidenäyttely
terväzeh = äkkiä, nopeasti
pakita : pakiččou = pyytää : (hän) pyytää
počinpoigu = porsas