Kirjaimii

Suurembi tahtou luadie died’oile kartin. ”Kirjutatgo sih, ku se on died’oile?” kyzyn. Häi šmutkuau piäl. Hämmästyn. Täh suate häi ei ole tahtonuh kirjuttua niyhty sanua.

Luajin kirjaimii mallikse. Poijan kirjutettuloi kirjaimii on jygei lugie ga yksikai kai ollah bumuagal. Kiitän händy, da häi on ylbei.

”Kirjutatgo vie oman nimen, ku died’oi tiedäs, ken on luadinuh kartin?” kyzyn varovazeh. Häi šmutkuau piäl uvvessah da piirdäy V-kirjaimen bumuagah. Piirrän uvvessah kirjaimii mallikse. K on jygei, ga häi oppiu, ei suutu. Häi enzimästy kerdua kirjuttau oman nimen.

Leksiekku

died’oi = ukki

karti = kortti

jygei = raskas, vaikea

bumuagu = paperi

oppie = yrittää

Kuundelii brihačču

”Muamo, minul ei ole sukkii jallas”, suurembi kirguu kattien al.

”Minä ečin”, pienembi sanou. Häi juoksou škuapalluo da tuou sinizet villusukat. Passiboičen da avvutan panna sukat suurembale jalgah.

”Minä olin kuundelii brihačču!” pienembi sanou.

”Muga olit”, sanon.

Leksiekku

kuundelii – kiltti

kirguo – huutaa

kate : kattien – peitto : peiton

škuappu – kaappi

passiboija – kiittää

Kirjastos

Lapset kerätäh kniigoi stolale. ”Muamo, nygöi myö kižuammo kirjastuo!” Suurembi istavuu laučale stolan tuakse. ”Velli, tule da ota laihinah kniigoi!”

Pienembi ottau jänöikniigan da tuou sen stolale. Suurembi andau laihinah kniigan da sanou: ”Tuo kniigu iäres kolmaspiän!”

”Kusbo on minun kirjastosumku?” pienembi kyzelöy. Tuon sumkan alakerrokses, da häi panou kniigan sumkah.

”Tänäpäi on kova pakkaine”, suurembi pagizou.
”Muga”, pienembi šmutkuau piäl.

Leksiekku 
kniigu – kirja
stola - pöytä
kižata – leikkiä
laučču – penkki
kolmaspäivy – keskiviikko
sumku – kassi
šmutkata – nyökätä

Peitolline ainehoza

Olemmo pienembän kel kylys. Häi on täyttänyh löylykauhan viel: ”Muamo, opi!”

Otan kobrallizen, opin. ”Ai ai mittuine magei!  Midäbo täs on?”

”Makaronpastostu!” Häi ičegi näčyttäy, sit käzi azettuu kauhah.

”Lövvitgo peitollizen ainehozan?” kyzyn.

”Da!”

”Mibo se peitolline ainehoza on?”

”Mašinan avain!”

Leksiekku

peitolline = salainen

kyly = sauna

kel = kanssa

oppie = maistaa

näčyttiä = maiskuttaa

azettuo = pysähtyä

mašin = auto

Raadivo

”Muamo, minä olen raadivo. Tänäpäi meil on pahua uudistu. Nurmekses rekku on kuadunuh ojah. Rekan kyvvis oli kukkua. Juna kuadui Lieksas. Da traktoru ajoi ojah."

”Eigo ole ni yhty hyviä uudistu?”

”Ei, tänäpäi on vaiku pahua uudistu.” 

Leksiekku

raadivo = radio
kukku = kukka